كلام للبغيض !
عملتها ... وجريت بجبنك ويَّا عارك تستخبى
وقتلت روح كت عايشة منتظرة المحبة
هو انت إيه ؟! إنسان وعايش زينا
قلبك ده إيه ؟! لأ مستحيل مش مننا
عملتها ... وجريت بجبنك ويَّا عارك تستخبى
وقتلت روح كت عايشة منتظرة المحبة
هو انت إيه ؟! إنسان وعايش زينا
قلبك ده إيه ؟! لأ مستحيل مش مننا
انت التعصب ياللى فرقت الأحبة
............................................
معقول تكون مصرى وتقتل عشرتك ؟!
تسفك فى دم يضيعك فى آخرتك
ده أى إنسان هوبنيان الإله
لو يسألك ربك هتنفع حُجِّتك ؟!!
............................................
هو المحاسب مين ؟! يكون ربك دعاك
علشان تعاقب ناس شايفهم مش معاك
شياطين كلوا بعقلك حلاوة وضيعوك
هو الجهاد تقتل فى ليلك أو ضحاك ؟!
..............................................
انت غريب مش مننا عمرك ماحسيت قلب أم
تقتل بقلب مفهش حس وانت جسم مفهش دم
هتعيش حقودوتموت بغيض تعبان ومليان جوفه سم
يارب ياملك الوجود يعيش تعيس ويموت بظلم !!
حسن رمضان ـ كبير باحثين بالوعظ بالأزهر الشريف
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.