ما يصح اﻻ الصحيح(( بالشعر الشعبي ))
يالنسيت العشّره
ما يجيك الخير
وما تكَدر تعلمه
صلة الرحم متعلكَـة
بعرش الرحمن
و لي نساها نذكّره
و نعلّمه
الكل رضع
نفس الحليب
مصنّع جان
لو من ثدي امه
منهم الحليب
ينزل ويا ادراره
بس الماي ينزل ابدمه
مو حليب قواطي شربتك
كامل دسم
و مخلوط ابحنان
مو من راس ممه
وبيهم شرب منها
لكن الغيره بيه
ماتهتز ويبقى
ثابت على الكلمة
ما يتغير لأن
رضع الحنان
وعلى الحب
ابوه يعلمه
ومنهم
من ماتقبل أمه تفطمه
ومن كُبر يحتركـَ فلمه
و يكَول
يا حنان ألأم
ويا عطف ألأبو
عينه على الدينار
والدرهم
وهمه شلون يكَدر يلّمه
بس من يضيمك الضيم
تصرخ بعالي الصوت
يا بويه و يا يمه
يالي نسيت
الرحم يكبر ابنك
وما يرحمك
لو جيت يَمه
واذكرك بيها إن عشت
و إن متت
أُحفرلك كَبر
ولعارك تطمه
وما يصح بالدنيه
اﻻ الصحيح
..ﻻن الصح واضح
وما تكدر تظمه
حسان ألأمين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.