خل نرجع للحب نقراه وندرسه.. شعبي
يكَولون ليش تكتب حزن
وليش انت حزين...
حزن الي بيّه
ما تتحمله أيام وسنين
أنكطعت دروب المحبه
والوفه ضَيّع طريقه
يلجنت رقم واحد
وباجر تصير اثنين
الغدر مو بس عند البنات
والرجال
من الخيانه سالمين
يحجي وياها
وكاتب بكل صفحه اسم
ومن يضيع السجل يكول
تايبين
راح ذاك الزمن
الي ينكط وفه
الاّ عند بعض الاحبه
وهم نظل خايفين
نحب ونتعب
ويطلع الي بلا بخت
وينسينه الي چنه
حافظين
ونرجع للحب
نقراه وندرسه
ونظل لدروس العشك
َ حارسين
ومهما قريناه ودرسنه
ومهما وفينه بألاخير
نرد خايبين
حسان ألأمين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.